اجــت  زيــنب لبو فاظل تكله:

حــزني اجبال مــا ظــنها تكله:

ابنيــران  الــهظــم گـلبي تكله:

واحــس فرگاك كام يخنگ بيه:

دگ ايده عله صدره وكال عونچ:

لا تهــتمي  والــعــباس  عــونچ:

وحق حسين زينب وحق عونچ: 

اگــص راس اليمسچ مــن اميه:

انحنت وتكله اخيتك راحه منهه:

الــراي: ولا مــصايب راحه منهه:

بعد مــا شوف عگبك راحه منهه:

الــدنيـــه:والــشمر  حــداي بــيه:

اذا عــباس واكــف مــــاي همچ:

الشــمر: والماي اجيبه ماي همچ:

افــه وجدمــچ يازينب مــايهمچ:

تخافي شلون وانــه الـنفس بيه:

وحــق طــولك يــاخيي مــاازلن:

الجــدم بجــفاك يـصعب مــاازلن:

منــهد  عــودك احــزانــي ماازلن:

بــس فــركاك  يــهدم  هــدم بيه:

انــه الحادي  بـضعونــچ كـفي لچ:

واخاف الـعين مــاتكفي  كفي لچ:

اشحـده اليــگرب خيالچ كفي لچ:

علي:يمــوت ابثــنايه الـهاشـميه:  

وكفو يـالحادي  بـظعوني كفيلي:

رتــــك  ذره  يـــالــغالــي  كفيلي:

سهــم  هجــرك احـــسنه  كفيلي:

اظلــوعي ويــهرش الـدلال بيه:

 لگص اركاب مـن عــدهم  لعينچ:

 ختــاري ويــاهــو تــردينه لعينچ:

 عــدل مــادامـني  زيــنب  لعينچ:

  واذب ربــاط واسحگ ال مــيه:

اخــذ  الــثــار  امــربــع  عــليهم:

وزيــح  الظــيم  لبگلــبي عــليهم:

 اخافــنه الشمــر بــاجــر عــليهام:

 ابچــفــه ويــشتم العــباس بــيه:

لحط بيهم رعــب زيــنب واذلهم:

واهــوس عــل نهـر حــته واذلهم:

افديچ ابعيني وچفوفــي واذلهم:

اطــبره  ولا  اشــوفــنچ  ســبيه:

مجيد كيطان الصالحي