الجمعة 2024/3/29 توقيـت بغداد
+9647731124141    info@addustor.com
سماء صافية
بغداد 25.95 مئويـة
شمرت بخت
شمرت بخت
ديرة
أضيف بواسـطة addustor
الكاتب
النـص :

من اهلك اخذت الغيره والجود

الشهامه البيك تركض تسبگ ارجال

او بيك المرجله متبات ابدليل

اذا شافت نزلهه امگابل انزال

او بيك المستحه ايخضر وفه اوطيب

او بيك الزود يوم اليوگع اعگال

يهديب العرب يا رفعة الراس

ابو الكلفات انته او بيك الآمال  

من بحرك الغيره اتفيض نهران

ارتوت اهل الجنوب واهل الشمال

مضيفك ما بچه من طبله خطار

صبح لهل الكرم بي تضرب امثال

الحميه البيك والنخوه سجاياك

او ميزانك عدل ما ينشره ابمال

حاتم والنعم والثلث تنعام

مشه ابمنهج ابوه او بعده مازال

اهل حظ او بخت ما تحچي وجهين

تعدله للحمل لو يوگع او مال

علم عالي او مچانك صدر ديوان

او يا بيرع عراضه او مشد مهوال

او يا بيرغ عراضه او مشد مهوال

جبار جعفر الربيعي

المشـاهدات 1377   تاريخ الإضافـة 13/10/2019   رقم المحتوى 2497
أضف تقييـم