توقيـت بغداد 
بصرتنه |
| بصرتنه |
  
|
 ديرة |
| أضيف بواسـطة addustor |
| الكاتب |
| النـص : بصرتنه حديقه وتنثر اطياب ومنظرهه جميل وحيل خلاب ابجنوب الخارطه انرسمت بالعيون بمثابة مزهريه وشايله احباب تدر عالوطن بروحي ونفط ورجال وكرمهه ابگد عمرهه المضه وما شاب تحب صوت البلابل والعصافير او ترفض اي لحن بي لهجة اغراب الفرات ودجله جمعتهم على الخير بحضن شط العرب ونزاح العتاب تراث البصره عامر لحد هاليوم الشناشيل اتبسم للهوه الهاب او فراهيدي وگف بين الشناشيل ايفعل بالقصيده بعود زرياب وحلاوة (نهر خوز) وحنة الفاو تذكرك بالهوه وكعدات الاحباب وعلى الشط والكهاوي الـ (بم البروم) الشعر يلغي الزعل ويحووله اصحاب مدينته مضايف لليزورون كريمه ولليجيهه امشرعه الباب كرمهه ابزود اهلهه البگو طيبين وابد ما غيرتهم كل الاسباب ابكلشي البصره ورغم الاهمال ورغم ظلم المشه وبوگات الاحزاب وسنين الحصار الخلت الناس اتحط (بردة گواني) وباعت الباب وبگت فيحاء اسمهه وبصرة الخير بزمان اتغيرت لب كل الاتعاب وحتى الشرجي بيهه اعذيبي اسميه ثلج ينزل عليّ مو لفحه من آب اساس الفن بصرتي ونهر الابداع يظل يجري قوافي وشعر وآداب مشه السياب عنهه وظلت ابخير وكل يوم اليمر ينولد سياب جليل الكعبي
|
| المشـاهدات 1265 تاريخ الإضافـة 13/10/2019 رقم المحتوى 2498 |
