مساجلة بالابوذيه |
ديرة |
أضيف بواسـطة addustor |
الكاتب |
النـص : هذه المساجلة واحدة من مساجلات شعراء (فريق مساجلات حمدي الحمدي) جرت بين الشاعر الاول (ابو وليد الشويلي) والثاني (ابو اياد الهلالي) حيث قال الاول: ما مره لچه صولي والچعاب ويدنيه لا تفشليني ولچ عيب احس گلبي گبل حيلي والچعاب واحس ظلعين ما تلي سويه ـ اجاب الثاني: صرت ساحه وعليه الطگ ولچ عاب يدنيه وعاب الچ وجهچ ولچ عاب مرامچ ابگه ساحه الهم ولچ عاب ضلعي والچتف سگطن سويه ـ رد الاول: يدنيه اعباب وجهچ ولچعاب بالملعب چنت العب ولچعاب شجاني اليوم كل حيلي ولچ عاب چنت خيال لكحيله بحميه *** اجيت العب لعب خطه ولچعاب وذكرت ايامنه الحلوه ولچعاب انگر ما لعب صولي.. ولچعوب بس موك وخطه وطنب عليه ـ اجاب الثاني: غشيم وما هويت العب ولچ عاب يدنيه وياچ ما گيش ولچ عب غيري بالحرام، امتد.. ولچ عيب تدنين الحرامي البيه رديه ـ رد الاول: يدنيه ما گعد حظي ولچ عيب غشيم وتيهت شوفچ ولچ عاب بالعباس اظن ظهري والچعيب احس بثنين چن طگت عليه ـ اجاب الثاني: يدنيه مگصم الكارچ لعب بيچ ترس وهموم ما تنكل لعب بيچ صدگي لو گعد حظي لعابيچ وخليهن درس للغير اليه ـ رد الاول: اعبي اهموم ما ادري لعبيچ يا هو القشمرچ روحي لعب بيچ شجاچ اودوهن احوالچ لعب بيچ زمن غدار لو دنيه رديه..؟ ـ الثاني: وصف للحين ما لاگي وصفلچ يدنيه لنتي من خيره وصفلچ شبعت الضيم من عندچ وصفلچ فشك شاجور حدر الضلع بيه ـ الاول: لعب غمان يا دنيه لعبتاي مثل جاهل لزم طوبه لعب تاي انهجم بيتچ عله الهوسه لعبتي هلاهل وآنه ايقبلون بيه ـ الثاني: تجي وتروح هالوادم لعب تاه الوكت كل ساع وي واحد لعبتاه بلطافه اللعب وي واحد لعبت آه اودي الآه.. ترجع آخ اليه ـ الاول: تراني احوال ما عندي.. وصفلاچ يدنيه ما احط ظلعي.. وصفلاچ الدوه ما فاد للعله.. وصفلاچ ـ واخيراً ختمها الثاني: ردت اعثر عله وصفه دوالچ يدنيه احروز ارش مايي دوالچ يزيد الضيم شو بيه.. دوي الچ احسه بروح كوه النفس بيه |
المشـاهدات 1738 تاريخ الإضافـة 13/10/2019 رقم المحتوى 2500 |
مساجلة بالابوذيه: |