خطار او وكفت ابابك بليل اشلون بليل خطارك ترده |
ديرة |
أضيف بواسـطة addustor |
الكاتب |
النـص : خطار او وكفت ابابك بليل اشلون بليل خطارك ترده حجيك ذاك وينه اوينه ملكاك وحنانك والوفه اوذيج الموده ضيعت العرف نتعارف اردود والمضيع العرف يوكف ينشده هذا انه الجنتلك شجره وفياي وكضيت العمر نايم ابسده حسبت احساب كلشي اوطلع مظبوط بس ماحسبت بابك تسده تعال اوكف ابعيني اوحجي شتريد مادام الجرح نيشانه بعده نعاتب واليحب يتحمل اعتاب وكلمن يطلع المظموم عنده بحر دنيانه وحنه ابين جرفين والماشاف جزره ايشوف مده ميخالف بعد كدامنه اهواي النوب الجاي مومثل التعده بمرور الزمن هم تتلاكه الوجوه وكلمن طينته اتبين ابخده ابنادم موش عيب ايطيح ويكوم الفشل والعيب اذا ماكام وحده شدخ جرح اليالي اوباجر ايطيب بس البلظهر مالوح اشده ياهو المثلي وكته اتحارب اوياه زمانه اوخلته اوصحبانه ضده شتلتك صار حفنه اسنين باالروح جا ليمت تخظر بيه ورده عمري الشلته بجفوفك كرستال شلون اكبال شماتي وتهده لاجرحي الجرحته ايطيب ونساك ولايلتم بعد ماي التبده كلمن بينه يذكر صاحبه ابخير والطيب حليبه ايوفي وعده حيه اودرج نلعب داس داسين المهم اخر درج ياهو اليصعده حسين الشميساوي |
المشـاهدات 1671 تاريخ الإضافـة 13/10/2019 رقم المحتوى 2501 |
القبض على 250 متهماً من المتاجرين بالمخدرات والبشـر وضبط أسلحة مختلفة خلال عملية البتاوين |
الهاوية مصير المجرمين والجبناء |
وفروا البديل المناسب قبل ترحيل المتجاوزين وتشريدهم |
النفط: سندعم أسعار البنزين حتى بعد زيادتها النفط تبرم عقداً مع شركة اوكرانية لتطوير حقل عكاز الغازي |
في الصميم المبدعون الاوائل والمكانة المطلوبة |