كريم السيد

بالله عوفونا من السياسة:

اليوم، كان عندي شغل بالعطيفية، فأحد الأصدقاء أشار لبيت اعتيادي وقال ان سعر هذا البيت (٦٠٠) مليون دينار عراقي.

اي والله وعيونكم، ستمية مليون، ومليون ينطح مليون.

بصراحة ما فكرت بالبيت وهل سعره مناسب لو لا، فكرت شلون واحد ممكن يجمع هيچ مبلغ، لأن اذا هو موظف لو صحفي لو كاسب وراتبة ما يتجاوز الألف دولار بالشهر، يعني هو المليون الواحد صعب ينجمع بهالوكت الطاگ. ثم الماعنده راتب او شغل أصلا شلون؟!.

اخوان تره والله احچي جديات مو شقا، خاف واحد بيكم طاگ وشايف هالارقام شي سهل...