توقيـت بغداد 
حيل أوياك |
| حيل أوياك |
  
|
 ديرة |
| أضيف بواسـطة addustor |
| الكاتب |
| النـص :
هدّن سوه ( مرُّات) الأيام ،،
دارن عليّه و مرمرنّي
أشگف و تترادف الطگّات ،،
و أستسبعن وأستوحدني
وصحت ونخيت البي أظن خير
ما شفت خيره وخاب ظني
و ظليت أون ونة المحموم ،،
و يجدح شرار ونار وني
وگام الفطير وصاحلي : عيد ،،
حسباله متونس و أغني
شِربة جگاره العمر ثاريه ،،
وشَمرة گطف دهري گطفني
والچنت أگوده أيگودني صار ،،
و أبحافره غفله دفرني
وكل ربعي صاحوا : حيل ويّاك ،،
و إمن الهضم صرت أشكبرني
و أهلي الشماته وأخّوتي أتلوم ،،
و هذا المرد گلبي و قهرني
و الحچي أصبح مآكله الثور ،،
أعتب ولا واحد سمعني
أتعنيت للزين أشكي هضمي ،،
وأبصدري حط أيده و دفعني
و زيبگ عيوني أبچفه بدّاه ،،
سدد علي عيوني و غبگني
مهدي عبود السوداني |
| المشـاهدات 386 تاريخ الإضافـة 30/12/2023 رقم المحتوى 36579 |
