النـص : مشكلتنا جميعا أننا لا نعترف حين نخطيء بأننا مخطئون , طبعا اللي يقول أن غلطان واعترف بغلطي في هذا الزمان فهو بطل ابن بطل وخوش آدمي , بس محد يعترف بخطئه حتى لو كان الخطأ واضح وضوح الشمس والقمر والدنيا كلها تعرفه , طبعا أنا هنا لا أقصد الأخطاء السياسية وأخطاء السياسيين لأن إحنه معلينه بالسياسة , ولا أقصد الفساد الاداري والمالي المستشري في دوائر ومؤسسات الدولة لأن هذا مو شغبله , ولا أقصد الأخطاء الطبية التي يذهب ضحيتها مئات المواطنين لأن ما عدنه دليل على ذلك , ولا أقصد أخطاء المذيعين ولا أخطاء الشعراء ولا أخطاء المقاولين في بناء الأرصفة ثم تهديمها وبنائها من جديد , لأن احنه شمدرينه شنو السبب الحقيقي , المهم إحنه نقصد أخطاء التجاوز على إشارات المرور والناس الدايخة الي تعبر من الاماكن غير المخصصة للعبور , واللي ميربطون حزام الأمان واللي يقولون السيطرات مو ضرورية , بعدين اللي ما عنده خطأ أبدا , راح نگعد ونغنيله , وياك بابه خذني ...ولتروح وتعذبني , واللي راح يعترض ويگول شنو علاقة هاي بهاي , راح نگله انت تدور مشاكل وأنت غلطان وتعال صير خوش زلمه واعتذر !!
|