يقول حمزة الجنابي : اكو واحد رايح زاير كرايبه بغير محافظه اخونا متييه بيت كرايبه وضال يفتر كل النهار مالكاهم كتله التعب دك باب احد البيوت طلعتله عجوز كاللها خاله اني هيج قصتي واريد اضيف عدكم وانام وان شاء الله من الفجر اطلع كالتله العجوز عيني هذا البيت مابيه بس نسوان اني وبنات اربعه كاللها حجيه باي مكان خلوني حييل تعبان الحجيه كالتله يالله تعال  نام بهاي الغرفه واحنا انام بالهول كاللها حجيه بس اخاف تسمعوني احجي بالليل لتخافون ترا اني احجي واني نايم . المهم صاحبنا نام واول ماغفى كام ايصيح ( اسويلكم اسويلكم ) كعد الصبح كاللها حجيه اني ممنون بس خوما زعجتكم واني نايم ؟ كالتله الحجيه طيح الله حضك لاسويت النا ولا خليتنا انام ... جبناها على امريكا طاح حضها لاسوت النا ولا خلتنا بحالنا ....