Notice: Undefined index: address in /home/addstrcm/public_html/class/page.php(217) : eval()'d code on line 4
أضيف بواسـطة addustor

لإن لبسي حلو و مختاره عالموديل

صرت انته مكص كل يوم أنا متانيك

شلون أكدر اوكفك والله مدري شلون

يا أبرة بمكينة اللي تلحك بيك

رد فعلي انتهى و ما يوفي بالمطلوب

جم بكرة خياطة نجيب و تكفيك

كص بلا رحم اقماشي قطعة خام

و أكل قطعة جبيرة ازغيرة متغذيك

كطعلي الدكم حط فتحة بالكسرات

ظل اطلع كبل ما عندك انته بريك

لا ياخة البقت لا ظل أثر للجيب

بعد شنهي التريده احجيلي و آنه ارضيك

أخذ طول و عرض أختار وين تريد

صعبة حالتي و آنه ادري ما تعنيك

كدامك أون و انته و لا حسيت

ما لحظة اشبعت ما كتلي شمأذيك

صفه ثوبي ركع بس باوع انته و شوف

عيون ثنين الك لو الله بس يهديك

مشكلتي القدر عيشني دوم وياك

حفظتك من كثر ما مر علي طاريك

سرمد اسحق اسطيافنا

المشـاهدات 477   تاريخ الإضافـة 02/02/2020 - 01:09   آخـر تحديـث 27/11/2020 - 00:38   رقم المحتوى 3864
جميـع الحقوق محفوظـة
© www.Addustor.com 2016