كل   الهلا     بالغالي  الغايب سنتين

محد عكبك  يحلالي  ولا يمله العين

********

نورت  الدنيه   بجيتك ..   يا محبوبي

ياكمره  الضوت ... كبلك ظلمه ادروبي

كربك  يالغالي  جنه       وكل مطلوبي

وهلبت تصفالي وتوفي  بعهدك  يازين

********

نورت  الدنيه  ابجيتك  والله وهليت

يابدر الطشطش فرحه ونورلي البيت    

دورت   اشكد  واسأل عنك   ملكيت

ياذهب  امصفه  ومثلك  متكلي  وين

********

كل   الهلا    بالجاني    وسر     كليبي

طالت   فركتنه   وطول  هم  تعذيبي

مثل الطاووس ايخطي  بزهو  الطيب

يخلف من تنظر عينه ويسبي الصوبين

********

كل   الهلا     بالنور      بين    احبابه

وعطر  دنياي  وعمري  اتفوح اطيابه

مكحل يامحله ارموشه وكلبي ايهابه

ومحروس بالله  ويسلم  ورد  الخدين

مزاحم التميمي