علي وجيه

فد يوم واوي {ابن آوى : المحقق} گاعد يضرب نرگيله يم الشجرة، ويسمع بكرة {شريط مُسجّل : المحقق} لعبادي، اجاه وفد رفيع المستوى، يعني عگروگ لواء بالجيش يمثل غربية الغابة، و سحلية من وزارة المصالحة الوطنية تمثل جنوب الغابة، و قرد من شمال المنطقة چان ماكل نسبة  من موز الغابة، المهم، اجوه ركض وگالوله:

- سيادة الواوي، صعد المنسوب مال الشط..

عاد الواوي جر نفس طويل من النارگيلة، وگال:

- إن زاد وان نگص هي لكّة..

واللكة هي الحسوة، او اللحسة البسيطة، يعني مقدار الي يشربه الواوي من الشط..الرباط: بويه، انتم يالحارگين دمكم عالوضع، تره شما يصير بالشط هي لكّة، ومرّة وما تسوه، والحايط الينبني أعوج راح يبقى أعوج..