حسين الجزائري

صادف أن ذهبت إلى مدينتي الهادئة الحلوة التي تعيدني زيارتي إليها لذكريات أكثر من ربع قرن , لذلك حين أتوجه إليها تدمع عيناي , ويهيج قلبي , راح تگولون شنو السالفة گلبتهه علينه بكاء ودموع , يمعود هيه سفرة للبصرة لمدة يومين , بدأت على الطريق الدولي المخيف , بسبب سيارات الحمل الكبيرة , والطريق المكشوف , يعني بلا أسيجة تمنع الكلاب والحيوانات والجمال من اعتراض الطريق وحدوث بلاوي , وكذلك سرعة بعض سواق السيارات الخفيفة السريعة , ومطاعم الطرق الخارجية , والسيطرات , يعني الطريق يخليك دايخ , ومن ترجع نفس الدوخة , بعد يا طريق يا دولي , لذلك من توصل ما تعرف شتسوي غير أن تاخذ المهدئات وتنام , ومن ترجع توصل خرگة , كأنك ماشي للبصرة على رجليك , يعني شوكت تصير الطرق مال أوادم وما بيهه سيطرات وامريكان ومطبات وبلاوي , حتى الواحد يروح ويجي مرتاح ويتأمل ويغني "بصرتنه ما عذبت محب ..وإحنه العشگ عذبنه "