بعد االانتخابات الامريكية عام 1992 برزت جهود حثيثة لدى العامة وبعض النُخب لايجاد بديل ثالث للحزبين الديمقراطي والجمهوري كمحتكرين للرئاسة والكونكَرس( طبعا قبل هذا بسنوات كانت الرغبة لكن بروزها كفعل اتى بعد هذا التاريخ) ...... ترشحت للعلن عشرات الاسماء والاتجاهات ومن بينها من ذوي الميول الماركسية (هلو) والاكاديميين والتكنوقراط وووو .. واشتغلت الغربلة : طكَه طيح طكَه طيح الى بقى بالساحة فقط : روس بيرو ورالف نادر , الاول مِلتي مليونير يتحدث بنفس منطق الارستقراط الذي يغلب عادة في الحزب الجمهوري , والثاني ,طوباوي فايخ ..من جماعة حبها وحبلت ,كَبل عالاكتساح وخلق امريكا هادئة وحبابة ومالها شغل بالعالم .. وهنا اجت لعبة الاعلام, طبعا امريكيا وكي تجعل السياسي اضحوكة اقنعه بالظهور في برنامجين كوميديين يخاطبان العامة في الاغلب: ديفيد لَترمَن وجَي لَنو ... اما لو صار علكاً بفم ضيوف العبقري بِل مار ,,الذي يخاطب العامة والنخبة على حد سواء ..اقرا عليه السلام, السياسي المتصدي اقصد... المهم صارت انتخابات 1996,البديل حقق تقدما ملحوظا هههه اقل من 2% من مجموع الناخبين..بانتخابات 2000 , ممكن القول انه حقق : فد هلو ....وهنا برز التساؤل من الشارع : _ هل هذا البديل؟ _ اي _ جا خوش  , في النهاية , روس بيرو اصبح مليارديرا بعد ان كان فقط مِلتي مليونير , ورالف نادر ,اذا احد يعرف اخباره خلي يخابرني. , _ جبت طاري احد في الـ"هنا"؟ _ لع _ جا خوش ...ثيمالاه اغاتي !