الخميس 2024/3/28 توقيـت بغداد
+9647731124141    info@addustor.com
سماء صافية
بغداد 22.95 مئويـة
رسائل القراء
رسائل القراء
المتفرج
أضيف بواسـطة addustor
الكاتب
النـص :

هله وكل الهله بيكم قراءنا الاعزاء , نتمنالكم أيام حلوة وسعيدة وأنتم كاعدين بالبيوت مكابلين بعضكم , وبلكت الله يفرجها علينا وعليكم ونرجع لحياتنه الطبيعية ونخلص من طلابة وباء كورونا اللي خلتنه ما نعرف راسنه من رجلينه و وما نعرف شنو السالفة , لأن يومية الصحة وتوجيهاتها طالعة بشغلات جديدة , يوم تكول أهم شي الكمامات ولبسها , وبعد كم يوم تكول لا يابه تره الكمامات  مو كلش مهمة , المهم الجفوف , وبعدها بكم يوم يكولون لا عيوني انتم لا كمامات ولا جفوف , المهم  القبعات ههههه , تره تاهت علينا يمعودين , شنسوي بالضبط , يعني نلبس لو ننزع لو نروح لو نجي , لو نبقه بالبيت لو نطلع بره , لو شلون , والله احتارينه , المهم الله يستر على الجميع وان شاء الله نخلص من شر هذا الوباء وكل وباء وتصير سوالف ونحجي بيهه بيناتنه , المهم اعزاءنا نتمنالكم كل خير وان شاء الله نبقه وياكم وويه رسائلكم نفرفش ونضحك والله كريم , واليوم راح نكون وياكم مع رسالة الصديق أبو سلام اللي يكول عندي رأي راح أقدمه الكم بخصوص السخرية والضحك والكتابة الساخرة , وخله صديقنا أبو سلام لموضوعه عنوان هو " استقطاب القارئ ... وإضحاكه " يكول  صديقنا وصديقكم أبو سلام : ” الكتابة الساخرة تحتاج إلى مصارحة الذات أولا قبل مصارحة المجتمع وتعمد إلى تكسير جميع الحواجز اللغوية والأدبية لتكون الرسالة أقوى من طلقات الرصاص في ساحة الوغى من أجل أن يتغير العقل وما وعى. وشر البلية ما يضحك... “ وهذا التعريف وإن لم يكن جامعا فإنه يضعنا أمام نوع من الكتابة التي تخلق الدهشة من خلال الحدث/موضوع الكتابة، ومن خلال المزاوجة بين المزحة والتوعية الهادفة. وليس التشبيه سلاح الكاتب الساخر الوحيد، بل يمكن أن يستعمل أكثر من سلاح في أكثر من موقف. والمهم أن تصل الفكرة بأسرع طريقة. والكتابة الساخرة ليست حكرا على نقد السياسات أو الحكام، وإنما يمكنها أن تشمل جميع مناحي الحياة. وشظايا مداد الكاتب الساخر يمكن أن تمس الحاكم والمحكوم على حد سواء. والكاتب الساخر ـ الذي يجيد صنعته ـ لا يستعمل السب والقذف في أعراض أشخاص بعينهم إلا جبنا منه أو لضعف حيلته. فأن يتوجه كاتب ما بالسب واللعن في حق جورج بوش مثلا دون أن ينتقد سياسة هذا الأخير تجاه المجتمع الأمريكي أو العربي أو حتى العالم ليس سوى قلة أدب ليس على بوش وحسب، وإنما في حق الكتابة الساخرة برمتها. والطريقة الهادفة والعقلانية في الطرح مع إضفاء طابع السخرية على الكتابة هما السبيل الوحيد إلى "سحر" واستقطاب القارئ.

احنه بدورنا نشكر الصديق العزيز أبو سلام على هاي القراءة اللي بيهه رأي كلش محترم , واحنه بهاي المناسبة ندعو جميع الأصدقاء إلى إرسال أي رأي أو فكرة حول الكتابة الساخرة وأساليبها وإلى اللقاء في زاوية جديدة .

المشـاهدات 596   تاريخ الإضافـة 16/07/2020   رقم المحتوى 8175
أضف تقييـم