الجمعة 2024/3/29 توقيـت بغداد
+9647731124141    info@addustor.com
سماء صافية
بغداد 27.95 مئويـة
عبالك معمل مال جكاير
عبالك معمل مال جكاير
المتفرج
أضيف بواسـطة addustor
الكاتب
النـص :

صالح الحمداني

حجي منخي  ,  معمل مال جگاير، مدري شلون يصبر برمضان عن الدخان، اللي تارس البيت، ومخلي ريحة هدومه : جگاير بجگاير !  البارحة رحت لدكان ( عقيل حظه قليل ) وإشتريتله فرچة أسنان جديدة، ومعجون أسنان مبيض، وسائل غرغرة بطعم النعناع، ومعطر جسم، وأخذتله عطر ( تي روز ) أصلي أبو الست آلاف ونص من كماليات ( شاكيرا )!

 طبعا حجي منخي (لسباله) ريحة الجگاير تجذب النسوان، وعنده إعتقاد بعقله الباطن أنه نسخة العراق من كمال الشناوي !  جبت الغراض بعلاگتهن وذبيتهن بحضنه، بحوش بيهن وشمرهن على صفحة، وگال :  - " ذني كلهن مفطرات .. اللهم اني صائم، والحمدو لله لا جوع ولا عطش "!  - تحترم نفسك وتستخدمهن كلهن بعد السحور، ومن تگعد من النوم بالنهار، وإلا بروح أبوي أشيل هدومي وأروح لأهلي وما أرجع إلا بالعيد !  - أنا أخو زناد !  - إي كافي ريحتكم تلعب الروح ومتحمليكم السنة كلها، عاد رحمونا برمضان !  - أنا عبد أبوي !  - لا عبد أبوي ولا غلام أبوي، موافق لو آخذ ( كواري ) وأروح لأهلي .. لا تدوخني وأنا صويمه ؟!  - موافق .. موافق !  - إي هيچ صير مؤدب !  - شلووووون !  - سمعتني لا تسوي روحك ما سمعت، جدامي للحمام .. يلا !  - يشوفچ الله يا .. مديحه يسري !

المشـاهدات 1403   تاريخ الإضافـة 30/07/2020   رقم المحتوى 8352
أضف تقييـم