الى رفيق طفولتي وصباي و صديق عمري وجيران روحي الفاضل الكريم صادق العلي ، أعلن عن مدى محبتي و فيض مشاعري لك بهذه القصيدة : 

إنه و صادق ربينه أثنين خوّان ،،

و رغم العوز بس چِنه معازیب

و أهلنا بيوتهم ،، ما بيها بيبان ،،

والخطارنا عذيبي الهوى أنجيب

صگله و لاگ نلعب ،، خرز وأچعاب

الصبح عاللیل نطبگها ملاعیب

و ما نرجع لهلنا ،،، إلا باللیل ،،

لو گبل الشمس رمحین و أتغيب

و طوبتنا بلاش أنشدها بخيوط ،،

صوف وگطن ندحس بالجواریب

و أنطش باللّواين شبه النجوم ،،

ونركض عافيه چن عدنه تدریب

و من الزغر صادق چان عطّای ،،

کؤوس أیوزع الربعه اللواعیب

وصرايفنا بواري وگصب حلوات ،،

وکلها أتصير من تمطر مرازيب

وأمنا ،، چان اسمها ( الفیصلیه )

وبیها چان یعوی الواوی والذیب

و أجتنا (ثمانيه خمسين تموز )

وبقينا أندور بأحضان الدواليب

و( جمهوريه) صارت محلتنا ،،

أم الوفه و الحب والتواعيب

مسيح وصابئه وإسلام فد لون ،،

أهل و گلوبهم ممتلیه بالطیب

وجوامعها وکنائس تدعو لله ،،

أن يحفظ وطنا إمن المچالیب

عراق الخیر گاعه وأهله خيرين ،،

حرام تحكمه أحزاب وگصاصیب

یصادق وین أمس عن عشِرة الیوم؟

وفه ناسك صُفه حد الجواريب

وإخيرآ ،، أدعو إلك ربك الحنَّان ،،

يشملك من حنانه أبلمسه وأتطيب

مهدي عبود السوداني