أضيف بواسـطة addustor

دمعي او ونيني او جرح

بس مو جرح عادي

اسال  عليك ودخت

عايش صدگ لو متت

مرتاح بويه ولك

ابنومتك غادي

جوعان خاف اعطشت

بردان ماغطوك

احچيلي بويه صدگ

الدفان من نزلك

خو بويه مااذاك

من نيمك باللحد

خو مو نتر حاچاك

منعوني يامصطفى

المفروض انام اوياك

بس حيلي چل أضعفت

من المصاب اتعبت

حچي الحچيته الك

هذا الحچي بچاك

لنك تحبني بكبر

مابيك بويه اجروح

ولو ردت منك طلب

تنطيني بويه الروح

بس ارد اسالك صدگ

اللي تعزه اشعچب

للگبر شو ماجاك

انطيته كلشي اشعچب

بس هو ماانطاك

بس جرح كبره  عمر

ولمن طحت خلاك

بس بيك تدفن حچي

ولا تعرف انت البچي

سر البگلبك صدگ

اي للگبر وداك

اي ما بقالك عذر

احچيلي كل الحچي

مليت من العمر

واجزعت من البچي

مااگدر اني انساك

شتريد بس ردلي

امحلفك ابحيدر علي

شو طولت غيبتك

تتركني من خلاك

غبت وارواحنه غابت يبنه

اوگع للگاع شو فجاه يبنه

ندگ طول العمر لازم يبنه

لان موتك كتلني اشسوه بيه

ناجح عنوز

المشـاهدات 1357   تاريخ الإضافـة 04/04/2021 - 00:52   آخـر تحديـث 29/09/2023 - 09:54   رقم المحتوى 10409
جميـع الحقوق محفوظـة
© www.Addustor.com 2016