الثلاثاء 2021/9/21 توقيـت بغداد
+9647731124141    info@addustor.com
سماء صافية
بغداد 32.95 مئويـة
نيوز بار
حوار مع حمار
حوار مع حمار
كتاب الدستور
أضيف بواسـطة addustor
الكاتب د.ماري جرجيس
النـص :

3

حمدالله على سلامتك يا معالي المستشار.. واللا تسمحلي أقول يا أيها الحمار الصغير حمار!  صغير!!  انا فين؟!  معاليك قمت بالسلامة من عملية تحويل شكلك الظاهري من الثعلب إلى حمار مستعد تشوف شكلك النهائي يا سيادة القاضي؟  بسرعة... هات المراية يا الله!!! ايه ده مستحيل!!! صَّدَق اللي خلاك كبير أطباء الغابة انت جبروووت!! الحاجة الوحيدة اللي مينفعش نغيرها هي حجم جسمك لكن معالم الوجه وانحناءات الجسم مفيهمش غلطة والعملية  تمت بنجاح منقطع النظير وكله تحت السيطرة معاليك كده رسمياً حمار بس جسمه قليل شوية أعتقد أنا كده مهمتي انتهت...  أنا هسيبك هنا تختبئ لحد الليل ما يهجم على الغابة وتخرج  في هدوء وتبدأ مهمتك خلي بالك  يا حمارنا البطل من اللي هقوله ده انسى تماما انك ثعلب انسي ذكاء  سلالتك تماما واحذر ان تظهره لمعشر الحمير احتفظ بيه لنفسك وخبيه انسى عاداتك وتقاليدك خلي ديما معاك مراية صغيرة كل فرصة بص كويس فيها علشان تعرف انت مين دلوقت وتتقمص الشخصية بالكامل وحط الكام معلومة دول زي الحلقة ف الودن الحمار بيفكر وبيبني قراراته  بودانه الحمار بيصدق عينه  بس ومبيمررش اي حاجة ف حياته لأي مكان أعمق من العضوين دول العين والودن الحمار إله في عين نفسه هو الصح وكل اللي حواليه غلط لو مش بيفكروا زيه الحمار لتات يموت ف كتر الكلام بس ف الاخر مبيقولش حاجة عليها القيمة الحمار يحب الدوشة والزحمة وبيتلم على الهيافة وهي دي السلعة الرايجة ف مملكتهم الحمار بيخاف من العلم الصح هو عنده علم مِرَيّحُه وباسطُه وجاي على هواه  بالرغم إن أكتر من تلات ارباعه غلط ف ممنوع تعرفه الصح لأنه هيعتبرك عدوه وهيعمل حاجة من اتنين هيحرن او هيرفس برجله الخلفية من غير ما يبص هو بيرفص فين  وتيجي مطرح ما تيجي والأمر ما يسلمش الحمار... باااااااس كفاية كده!! متقفلنيش من المهمة قبل ما ابدأ أنا خلاص عزمت وتوكلت ولازم أخوض التجربة واشوف بنفسي انا مش بقلقك يا معالي المستشار الثعلب سابقا وحمارنا الجسور المنقذ حاليا أنا كل كلمة بقولهالك دي دراسات نفسية علمية موثقة على السلالة دي ولازم تاخد بالك كويس منها علشان تعرف انت داخل على إيه ومتخسرش ولا جولة لازم يكون طبعك ومعتقداته وافكارك وعاداتك زيهم علشان ميشوكوش فيك ولو إن نطاق إدراكهم مش هيوصلهم  إن فيه حاجة زي عملية تحويل ثعلب لحمار ممكن تحصل اصلاً هما عايشين في عالم موازي ضايع من الإدراك وتحليل المواقف برغم إن فيهم أثرياء ثراء فاحش وعاملين جامعات برضو ومدارس بس كله ف الضياع تقريبا مش مُسَجَلين في سجل مراتب التعليم على مستوى سلالات الغابات اصلاً ياللا اتركك الآن في رعاية الله واجي العيادة الصبح الاقيك مشيت مش عاوز حد يلمحك السر ده مش لازم يطلع بره نطاقنا احنا التلاتة أنا وانت والأسد ملك الغابة شكراً يا كبير الأطباء أنا مدين لك بشرف وسمعة وتاريخ غايتنا العظيمة ربنا معاك في المهمة شبه المستحيلة اللي انت داخل عليها يارب وخرج الفيل كبير الأطباء من مستشفاه الكبيرة تاركا الثعلب الذي حوله الي حمار بعملية تجميل دقيقة في سرية تامة وبعد قليل خرج الثعلب المتحول  بهدوء في بهيم الليل وأخذ طريقا سرياً ووصل إلى ثغرة في آخر أسوار مملكة الحمير وتسلل منها وفي لحظات كان بشحمه ولحمه داخل مملكة الحمير.... كان الظلام دامساً والقمر يكاد يكون مختفياً تماماً ومن بعيد سمع صوتاً عالياً يكاد يشق جدار السماء وأنوار وأغانٍ غريبة  ... شديدة الغرابة فهمَّ يستجمع قواه متجهاً نحو هذا الصخب.. يتبع الأربعاء القادم إن شاء الله #بلا_هوية.

 

 

المشـاهدات 27   تاريخ الإضافـة 14/09/2021   رقم المحتوى 12125
أضف تقييـم