يمتى أرتاح  ؟

من غبشة فجرنه

أنصيح  .. يافتاح

يضل مقفول

رزقي  ..

وضايع المفتاح

شلون أرتاح  !

وين ألگه بلد

ما بيه أثر الأسلاح

ولا نشتم بالمگابر

ريحة الكافور

عصاري أنريد نشتم

ريحة القداح

وين أرتاح  ؟

شلون أزرع وباري

بگاع  ..

صبخة وبور

لا بيدر حصاد

وأسمي بس فلاح

عيب أرتاح

صرت مگدر أطرن

هور  ..

لو بالگيش

وآنه بنص بحرها

الكوسج السباح

يمتى أرتاح

أحتاج آنه ضميري

يموت  ..

وطبعي من الوفي

يصّبح طبع بذات

وعيوني من الخجل

أيصرن عيون أوكاح

عد بعض البشر

للضحكة والدمعة

فنون  ..

أذا يضحك بوجهك

كشرة الذيب

وأذا يبچي بدمع

من دمعة التمساح

شلون أرتاح

* محمد جود الكعبي