توقيـت بغداد 
بالقلم العريض !! |
| بالقلم العريض !! |
  
|
 فنارات |
| أضيف بواسـطة addustor |
| الكاتب |
| النـص : الدكتور طل عبدالواحد بعد ان عجزنا ونحن نخاطبكم باللغة العربية الفصحى والهندية والافغانية والصينية ولم نصل الى نتيجه نكتب لكم اليوم بالعامية علها تصل لقلوبكم بشكل افضل حوار مع قائد الجيوش العربية المبجل دبابه تنطح دبابه وطياره تنطح طياره كروز واباتشي وهيل فاير وشواجير تغرك هالقاره جوية وبحرية وخبصه واستعراض الفرق الجراره وكل رتبه تخوفلها دوله صدور معبية وسام وشاره ودرسونا من احنه صغار صفقات الوطن المهيوبه تحمي ساحاته واسواره فتحنا الهند وسور الصين وعدنه من اوربا تذكاره وبقنص البر منو يلحكنا من اللوح نطلع بسماره صالوا اعداء اللي ما ترحم واخواني احتركوا من ناره تناخينا ورفعنا الصوت بلكي منكم نلكى الجاره لا من شاف ولا من عبر ماكو للفزعه نطاره وين التدريب اللي دوخنه وطالع من كل بيت وحاره يمعود يله حركهم خلنفرح باخبار الغاره او اضربلك كم صاروخ ميخالف نقبل بحجاره او اطلع سولف هددهم خلي يهابوك الغداره شلقصه ما بيكم هيبه راحت ايام الصكاره واذا ما دبرت افتح حدك احنه نفوت وناخذ ثاره معقوله وصلنا لهالحاله نخلق للباطل اعذاره ما اكدر اقبلها اسمحلي قومي دمي وهذا قراره من توصل حدها ما نسكت وهذا الموت احنه نختاره جاوبني القائد.. اتهدى واشرب جاي وفوكه جكاره لا تحمى يا ابني بسرعه وافهم المعنى واسراره سلاح اللي انت تسولف بيه بس هيكل باعونا وربك ومفتاحه عد جوني وساره ورصاصي ما يكتل صاحبهم يكتل بس الاخ والجاره تريد تورطنا ويا ال ماما ونصبح للعالم طشاره الطفل اللي مات الله يرحمه مكتوبه وهاي اقداره وشنو يعني اذا هدموا مسجد بس تهدأ نعيد اعماره كلها شهور ونرجع ننسى والحي ابقى دام بداره توكل بالله ولا تكررها ولا تصير براسي جيفارا تره اخليك براس المدفع وادزك للجنه تسياره |
| المشـاهدات 191 تاريخ الإضافـة 15/12/2023 رقم المحتوى 35426 |
