حِملِي  طاح  اگبال  عينك

   غلَّسِت  عنّه  وعُبَرتَه

   وشالَت  اُحمولي  الشماته

   وانه  حِملَك  عُمر  شِلتَه

   وسهِلَت ومايگطع  الله

   وشطّك  امزوهر  عُبرته...

   لازعَل  وزني اعله  غيظ

   ولا سطَه الساني اعله ذمَّك

   ونتخيت بعوز صبري

   وگمَّطت شفتي اعله  سكته

   وينك انته ...!

   وگطره  گطره الشوگ  لمني

   ومن ثگل غيمك  مطرته

   وكاسرت  غيضي  ابرضاك

   ابكاس  الموازه   شربته

   وردت اگلَّك :

   كلمن ايرد اعله ذاته وكلمن ايطيح اعله ذبته

   ومانشدتك :  وينك انته ؟

   وينك انته ...!!

   ابغربه  وغروب  وذكرتك

  والدرب  تچوي  صفنته

  ويارصيف ايلم غربتي وليلي ماترحم غُرُبتَه

 وتهِت بس الله دليلي ومايتيه  النيته بخته

  وطشني عطر الهيل يمك.. وشتهيتك

  وشتهيتك... ليل  واهس

  ليل مِجبِل ..

  ليل مِدبِر ...

  ليل مشكول اعله ذِمْتَه

  وعثر  جدمي بصيحة اسمك

  فز  حنيني ومالگيتك من ندهته

  وينك انته

  ________________________

             كاظم العطشان

               تركيا / انقره