مِدِرچه أولا نِفس يِلحگ يَردها

أبظُما روحي ولا خلٍّ  يَردها

رِدتها أتهون بس  وكتي يردها

دِواهي أملِملمه وأتحيط بيّه

جِزَن مرّن ليالي أصباي يَسرَن

ولا منهن تُمرني أخبار  يَسرن

حِسبت أحساب بعدَ العسرِ يسراً

گضت والمِعْسِرات أتعَصُف بيّه

أماهِل بالوكت ماله مهالاي

ولا همني الذي أبوجهي مهالاي

إلي الچانت قبل صارت مهالاي

وصفت بيد النذل وأيعيل بيّه

ياسين الغزي / الناصرية