صفي نيتك ابد لايوهمك دخيـل

ولاتصل يــم سالفة نفظة شليـل

سامح اليزلف اذا تـــاه بطريـــج

خله يعرف انته بالرفگـه خليــل

اليتيه بدرب اعـــوج مـــو أمـان

مايوني بدرب لو اصبـــح طويل

الصديج اليعتني بشدة ويجيــك

بالمواقـف ينتــخي لنـه اصيــــل

اترك بصفحة وفـــائك ذكريـــات

وفطن الـوكتـك اذ عنك يميـــــل

المانسه گاعــه عطر گـاعه هــواه

يعرف المجبل إذا صاحي وعليـل

آفة الاحقــــــــاد لاتظنــهـه تدوم

ولاتفكـر ثـارك اليــشفي الغليــــل

الرجم بالغيـب اثمـه يظـــل وراه

خلي يتصافه تره الدنية برحيــل

حگك بدنياك مستعجــل عليـــك

حگك يردلك مدام الله الكفيــــل

ديارنه حزنت سعدها منها غــاب

گلوبنـه تعبـانه مــن هم أوعويـل

گلي چم غربـة وطن بيهه نعيـش

شما يخف بينه الصبر يبقه ثچيل

ابنـــي وبنـك عفـر بدمــه التـراب

وبقه جرحه ينزف ودمه يســــيل

وياشمسنه الغابـت مغطيهه غيـم

ظلت تناطر صبح شمس الاصيل

عبد الرحمن الباز