ماي وكاع خضره وشمس وكت غروب

ابوجهك والجمال البالخلگ كله

ياسوباط  شايل  عنب كاع الدوز

خيعونه  الينام ويگعد ابضلّه

يالشايل ملوحة منطق اهل الهور

وميوعه وترافة  ديرت  الحله

يعرموط الشمال وتين البشيخان

من كثرة جماله ايغازل السَّلّه

يانسمة ربيع  ابنص ورد هولير

 وحمّام العليل ايطيب العلّه

ياسر يالغز ياطيب ينضح طيب

 يامحراب كلمن بيه وگف جلَّه

نص وجهك نهار وشمس تشرق بيه

ونص ليل وگمر  وجعود مفتلَّه

 وجوه من الوجه وادي وتحفَّه اجبال

خيعونه العليهن يوم يتعلّه

 هيبة شاه شاه  وغضب عزرائيل

بيه وياشجاع اليگدر ايگلّه

نعيم رمضان الخيكاني