توقيـت بغداد 
( من الدارمي ) |
| ( من الدارمي ) |
  
|
 ديرة |
| أضيف بواسـطة addustor |
| الكاتب |
| النـص :
لا ضل فكر بالراس .. لا كلبي هود دوخني وشمحلاه هل لابس اسود ===============
واحدنه ست ازلام وانت اتعرفنه بس الجمال البيك نقطة ضعفنه =============== كالتلي شيل الشال والركبه شمها بلكت تطيب الروح .ويخف المها =============== خاف احجي وتكولين بايكله بوكه هذا العسل بشفاج ارد انه اضوكه =============== وين الله ويمرون ...... اهله ويجينه بعيونه اداوي جروح روحي الحزينه =============== متحزم انه اليوم .... اطفر وكلها فراكج يبعد الروح اعظامي شلها =============== لا بيه حيل اجفاك .. لا بيه اعوفك صدكني كل مانام بالطيف اشوفك =============== النمت والفزيت …… ماتغفه عيني ناصب كمين اليوم طيفك يجيني =============== بيه ارد اذب الصوج ياعمي مجبور سميته صكر البيد بس هوه طرطور =============== كونك تريد اتروح .... روح الله وياك عياد الله صح اثنين سته عله فركاك ===============
عالزينه مو عالشين جنت انه اوجهك ناگرني هسه اتريد … تنطيني وجهك =============== سامع كلام عليك عارضلك احد يذبحني ترضه اجفاك الله ولحد =============== الطرت والحطيت ابقه اعله منك ناصي وتظل للدوم تعلاني فنك =============== زعلاتك انت وياي صارت چثيره هالمره فضل اچبير وجهك تديره =============== الرحل عني وراح وصلوله جلمه كلوله مايرتاح .. حته ويه حلمه =============== يالرحت عني ابعيد اسمع گلامي صدگني راح ارتاح حته ابمنامي =============== شفت الحچي مگلوب كلت انه خله والله لخلي يبوس .... رجلي منذله =============== موش اعله هذا وذاك أينگ لسانك الگاله للنسوان ....... ماتعله شانك =============== كالولي حيلك وين .. كلت انه وله راواني وكتي اليوم ضيم الله كله ============== من عمره عشر سنين ذبني ابليه دخنت وانه ازغير من هجره ليه =============== صدگني جاسي جفاك والهم يجيبه فوگ القهر بجلاي .. طلعتلي شيبه =============== طحت بضرف موزين عافوني ناسي وانه اعله جلمه آخ …. افزع وواسي =============== يوسف نبي ومبيوع والباعه اخيه وانه الفقير اشلون …… ياربي بيه =============== فوك الطبخ خليت ملحه وزدتها ماغزر اويه الناس من اطعمتها =============== طكنه البرد والعين….……ماتقبل اتنام جيّب اليدفي الروح تحضن بل اوهام =============== موجة برد والروح تنهش بالابهام رادت دفو ياناس .. قبل 12 عام =============== رايدلي صاحب ذيب مو واوي حيال يمشي ويطم اسرار ... ماينقل الگال =============== امن يبعد الروح .… دافنهن اهواي حتى منموت اتموت اسرارك اوياي =============== يلماشي صوب اهواي وصله وني كله القهر بجفاگ ….. كلش كتلني =============== ياروحي ماوصيج خاف اجلي عنهم وديني مو تنسين…… كل ليله يمهم =============== بلكت تسل جراح و العنده خبره كله الكلب مكسور منهو اليجبره =============== ها يالخذيت اهواي چلمه ارد اكلك وشم الصدر موزين .. خايب يذلك =============== بالدرب امشي الكيت حلقه وطرف ايد هم العشك ياناس ……… امجاتل ايريد =============== ياربي اريد انخاك ..... حقق حلمنه تكرف شكو ام صالون غشت زلمنه
* حسين كرماش |
| المشـاهدات 39 تاريخ الإضافـة 22/03/2025 رقم المحتوى 60817 |
أخبار مشـابهة |
مؤسَّسة محمد بن راشد آل مكتوم للمعرفة تطلق من سلسلة «حوارات المعرفة» |
| نافذة من المهجر
اغتيال الفرح العراقي |
 |
ماذا وراء تظاهرات مناوئة لحماس .؟ |
 |
حكومة كردستان تعلن عطلة عيد الفطر من الأحد حتى 5 نيسان
مرور أربيل تحظر سير مركبات الحمل الكبيرة والدراجات النارية خلال أيام عيد الفطر |
 |
رئيس مكافحة الإرهاب يلغي العقوبات الانضباطية للمنتسبين بمناسبة عيد الفطر
السوداني يؤكد أهمية التعامل الإيجابي مع المواطنين أثناء تنفيذ الواجبات الأمنية |
