تكسر الخاطر حياة بلا حبيب

والعشك رايد صدك ومنين اجيب

وعلّت المصدوم تكبر ماتطيب

وصعبه شمس الشوك والحب من تغيب

لمحت عيون اليحب تحمل كلام

بيها قصه امدوّنه ابحنكة اديب

هاي وادم حامله انواع الصفات

بيهم الموخوش نعرف والنجيب

ثعولت ناري الهوه وحركة رضاي

وفتحت وجاغ الفرن تسعر لهيب

ماتم الفاگد بشر يحمل انين

لطمة احديثات وصوات النحيب

وندري رماي التفك وبلا هدف

صوت مزعج للسمع بس مايصيب

موش كل واحد تشوفه من الرجال

تنغر ابشكله وتحسّب بيه رهيب

نسّف وغربل وخلك ماتثق

بالصديج وبالكرابه وبالنسيب

وصير بهلول اختبر كل اليجيك

وبتعد عن اليفشّل والمُعيب

وكشخ بأطيب بشر كدام اخوك

ولاتحب  وتتعب ويَه انسان ذيب

نعيم رمضان الخيگاني