الى محبي المساجلات الشعرية  وكيف تكون نقدم هذه المساجلة بالابوذيه بين الشاعرين

الاول/ وارد الحاج حاتم العجلي

والثاني/  مسعد عوده الناشي

من اهالي سوق الشيوخ حيث بداها العجلي مخاطبا الناشي

وينه ال من كلب واللسان ودلي

اسولف ظيم كلبي عليه....ودلي

بعلات الماي احفر ابيار.... ودلي

حكمك لو حكم ربي عليه

رد عليه الناشي:

مثلك بالخلك من وجد يدله

غيور ودوم بالطيبات...يدله

الحفر بيره يوارد بيد.. يدله

يحط الحذر لا يفلت رشيه

العجلي:

الناشد لو نشدني عليك شدلاي

حتى البير مايه نشف... شدلاي

اكلك هاك جرحي شوف شدلاي

تلجمه وترد رد سيئ عليه

الناشي :

رتك دوم الي صاحب...... وتدلاي

وكلامك ذهب من تحجي وتدلاي

البير الي احفرت مايه...... وتدلاي

سفح زوده وشطر فوك الوطيه

العجلي:

كلبي من صدك ياصاح ودلاي

تسمع مستعد شكواي.. ودلاي

مضلن دوم احفر بير....ودلاي

هسه ويلتفت ربك عليه

الناشي:

كلبي من صدك ياصاح... ودلاك

طارش مايصح يا نفل.....ودلاك

بقيت اصفن ودك ال فين ودلاك

بديه وشوفتك شحت عليه

*************************

معقوله..!!

وانة معاندك تطيني كل ماريد معقولة من اجيك بجفن تنساني

عندي السان شاعر مايكضة إنسان  بس ابحضرتك يتلعثم الساني

سناسل ما تكضني بدنيتي من اغتاض  بس هسة رفيع الخيط كضاني ابوك الظهر واحلف وانكر الناطور  وجوني وطالبوني وكلت موش اني

اذا رزقي يتعطل حكمت المعبود وجيبة بدرب العوج وابد ما تاني

كلت اكبر واصلي وداهماني الموت وكبل مكتب وصيتي الجفن لفاني

عكب ماجان بيت منور من بعيد صفيت بكبر مظلم وابني عافاني

يدور ابني علية وينشد الدفان ظلمة المكبره وشلون يلكاني

شيخ فلان راحت صارت المرحوم والعاشت بجدي اتزوجت ثاني

ونطت ساعتي ومحبسي  وباقي فلوس اله وكل ما ذكرني وكام سباني

ما اذكر عصيتك لا وحكك لا جاهل وسمعت شيكول شيطاني

بس أني موحد وانتة تدري بهاي واعرفك انتة ربي وما عرف ثاني

واني اليوم ضيفك والطريج ابعيد وجيت ابطرك وصلة والذنوب اثكال اجيت برحمتك ما جاي بحساني

ياسر هاتف العتبي