وقبل ان تجيبني سارسل لك كم سؤال وجواب

*-عزيزي محمد العبودي شنو سالفة تاخير الرواتب للموظفين والمتقاعدين؟

صباح المياحي --جرف النداف

**- استاذ صباح النداف -نقص بالاستيكات الي (تحصر )الفلوس بيد الدولة-بين قوسين وهلالين واظفرين--المال المنفلت هو نتيجة السلاح المنفلت

*-استاذ محمد --ماهي صحة اخبار اصابة ترامب  وزوجته بجائحة كورونا؟

عبد الله الشمري --بغداد

**- حبيبي عبدالله--ترامب اتعافى ببركة التطبيع الخليجي--

وشكرا لسؤالك عن صحة المرجع الاعلى للطائفة الخليجة سماحة ترامب (حفظه الله ورعاه)

*-عزيزي المتفرج--المن وصل السرة للقضاء على السراق؟

*-ستار المالكي -ذي قار

**-حبيبي ستار صاحبك بعد موصله السره

من يرجع من سفرته(الطفراوية)نعرف التسلسل ماله--المهم انت اصرف وربك الاكرم

ولاتنسه اتسوي موكب للزيارة الاربعينية وسمي الموكب (موكب غسيل اموال الميزانيات الانفجارية)

حبيبي عبودي--القصور الرئاسية راح تبقه محتلة؟

الناشط احمد البغدادي--البتاوين

**-عزيزي الناشط--جانت للتظام السابق واستولى عليها النظام الحالي--وستكون للنظام القادم---باختصار حالها حال البيت الابيض

*-استاذ عبودي شنو عداوة النائب هيثم الجبوري مع المتقاعدين؟

*-اخوك الميت قاعداً مكرود الحزين-بغداد

**-بعد اخوك خلي عينك ابعين الله ولاتنسه تنزع نظاراتك الجعوب--السيد رئيس اللجنة المالية الجبوري ايحبكم وميريدك اتموتون من الفرح من اتزيد رواتبكم

*-عزيزي المتفرج --وين صارت النائبة حنان الفتلاوي ؟

سليم سالم المسلماوي--بابل

*-سالمين خويه سالم--اشكالولك عليه اشتغل باجتثاث البعث لو ابهيئة النزاهه