من بغيضك غير صوتي..أشعر ابصحوّة ضمير واحترّگ..

وانته لومريٌت يم منظار عيني..

         ،ايظل هواك ايغازل ابروحي ويدّگ

مدرسه وچني بالاوّل أقره بحروف العشگ

تخطر اشكال الاغاني أگبال عيني افراش راحه..

،واعصر  اچفوفي ابغرامك من صدّگ

بارده الغيره اعله وجهك..! وأنه رطبّة صيف خانگها العثّگ

وهاكثر عانيت وحدي..ظلمه يفراگين شوگك !

خاف ابچي وماتطيح ادموع عذرّك

غاوي متباهي ابحلاتك يافرّگ !

صوتك المبحوح يندهني ابغيابك

،وأنه احاول انسه كل ضيجة خلٌگ

گضبة اچفوفك مناجل كل حصادك موش إليّ

بيدرك مايل على اهلي وأنه وحدي المبتلي

خيط مشدود اويه روحي وانته ذاك الأولي..!

* سفاح عبد الكريم

( كربلاء)