الوطن يچوي ويگلي اتحمل اليچويك

جوعني الوطن ويگلي عيب عليك

تحمل عيب تشكي ولاتگول شبيك

لاتصرخ والا  بالأشد نبليك

گلتله الله العزيز على الرشد يهديك

ماضن حال شعبك ياوطن يرضيك

واذا يزعل يخرب الحاضر وماضيك

حطها بعقلك وحاسبني باليهديك

جبت أحسن شهادة وحاطها متانيك

جزع حايطنه  منها وصوتها يناديك

مش ايده على وشي الوطن گال اشبيك

شيل ايدك لربك واندعي ويطيك

ماتذكر گلتله آني شتعبت عليك

ماتذكر گلتله افعالي بالياذيك

نسيت شلون دمي من العطش يرويك

تطي العافك بمحنة وعمر ناسيك

ورد  ويا   الغزو بجنسية الغازيك

ترضخ للحرامي شلون شموازيك

ينهبك وانت راضي ولعب يلعب بيك

سهله ان شالله يوم النشامى اتجيك

تاخذ حيفها من الخانك وترضيك

ها

وشعبك يوم اليزعل غالي  رخيص يهون عليه

ابو البيادر البحاثي