توعد او تخلف بالشته

وادگول اجيلك بالصيف

مر الخريف ابدمعـته

اطيور التحبهه هاجرت

دنيانه كلهه ضهضبت

الروح تعـبهه البعـد

والعين تربي اوحنيت

والزمن يلمع چن سيف

وانت يعيني موفيت

واخلفت وعدك ماجيت

اوما جيت...

*

جانه الشـته هالمعتـني

امگـبـّع ايهـِـد او ينـثـني

-(اللحـيه) و(ازلوفـه) ثـلج

يـنـفـخ ارماده .. يـوج برد

اللسنـيـن تاكـل بالعـمر

اتعبنه يروحي .. اوما نمل

لاشـفـْـنه مـنـّـك مرسـال

ولا اسمعنه صوتك يا حيف

وانـت يـروحي موفـيت

واخلفـت وعـدك ماجيت

او ما جـيـت..

*

جانه الربيع ابضحكـته

والدفـو هـل ابوجـنـته

فاح العـطر والقـِداح

والشمس غنت افراح

انجوم السمه ما تنلاح

نـَـدَّه النـِـدَه فوگ الورد

والدنـيـه صارت اعياد

-(بـعـيـونه) غيم  وبحر

خايـف أنـَه امن الحساد

واخلفت وعـدك ماجـيـت

اوما جيت..

*

راح الربيع اوهم مضه

ودعـنه صيف اويا شــته

روحي على دربك تصد

يا روحي .. مو هدنه البعِـد

واتـنطرَك يـمته تجي ؟

لا انت جيت .. اولا اجي

ابـقـَه اناطر وانـتـظر

راح العـمر مـزنة مطر

وانـت يـروحي موفيت

واخلفت وعدك ماجيت

او ما جيت..

--ميسون نعيم الرومي

(ســــــــــــــــــــتوكهولم)