لاعندي.  گلب.  فولاذ.   لاهين

رهيف ولاسهل تجفون. لاهين

عني.  بيش.  يالخلان.   لاهين

الگطع موثوبكم شنهي القضية

وكان الرد من الشاعر جواد الدراجي عبر البيت الاتي :

عنكم .. لا تظن دنيا .... لهتنه

رغم لرحي الحزن والهم لهتنه

لطواريكم يمين الله .. لها اتنه

بشغف يعقوب وام موسى سويه

ورد الشاعر علي جويد قائلا:

يغالي شبيك عني وصرت لاهاي

مشيت ومن رحت نشفت لاهاي

صرت وياك لانه بهاي لا هاي

لا ذيچ وهذني اگطعن بيه

اما الشاعر د.فلاح الزيدي فقد قال :

نشف ثدي المحنة ،،،،،هايلاهاي

وحرت فوگاچ شعصر  هايلاهاي

لياحد أبقه ،،،،،،واگف هايلاهاي

أستحي الغيرك أمد چفوف إديه

وكتب الشاعر حاكم الأسدي هذا البيت :

نواعير الوكت عنكم.. لهتنه

افترن بالحزن.. مجبر ... لهتنه

شراب أمن السگم غمس ... لهتنه

وسحن روحي ولعب دولاب بيه