كون الحزن يتنگب إنگاب

مبيوگ مني ومالي طلاب

من التتن مزروف الثياب

صاير ونيده وحيلي كاضي

كون من الأول ماني صاير

شبجة الثياب من الجكاير

فوك الصور ليلية غاير ..

وشوباش أطشلهن شبابي

لاني لهلي ولاني الصحبتي

ليلية أجيملهم دمعتي

كلساع اشب وطفى بغرفتي

خافن هلي يحسون بيه

رايد أهج لغير ديرة

مكسور جني من العشيرة

مثل التكصلها ظفيرة

كصيت كلشي البي مواعيد

الشيب كله من المواعيد

وبفصوصي طلعتلي تجاعيد

مفضوح ياحزن المگاريد

مفضوح جن گمرة بنهرهم

شيضمهن دموع النواعير

رايدلي زلمة يشگ تصاوير

مامش للمشلل تجابير

ظل شگگ بگلبي يگلبي

الزعلان يطفح دمه ويفور

فورة الجمرة بريج تنور

مليت أوصي كلمن يزور

وتعبت أمي من الحروز

محزوز مدري منين محزوز

الوهواس يفتر فرة العوز

شرديت بس كضني الحروز

ظليت أجلب وين ماجان

من كل كتر دلالي معضوض

اصبع خرس بالباب مكرروض

بلياك حتى الشيب مرضوض

تفنع الحنة ولاله تجبير

*مالك البطلي