تمت هذه المساجلهبالابوذيه  بين شاعرين هما الاول نعيم رمضان الخيگاني وحسين الساعدي حيث قال الاول:

حرف هجرك وجب عالروح شطباه

وخدي من الدموع عليك     شطباه

المريض ابشوك طيّب گلب شطباه

اسالك وانتظر ردك عليه

- رد عليه الثاني :

مافاده الطبيب وضاع طباه!

--ابيوم الكلب هالشوك طباه

الكدامه طحت والطيحه طباه

حل كالالي ما سمه عليه

- اجاب الاول :

المرض كلبي ابجفه الطيبين طباه

ابقوه ولاطبيب ايفيد طباه

طحت لني اعله حلك الموت طباه

بعد مايلحك التلقين اليه

- رد الثاني :

- شَطب يازماني اسنين شَطب

كالولي تطيب وكلت ش الطب؟

الزين العملته الناس شط طب!

وما رجع الشط الزينه اليه!!

- اجاب الاول :

يكلي اطلي الشحوب البيك شطلاي

وفكري الجان كامل عگل شطلاي

حفر دمعي ابخدودي عليك شطلاي

حسين ولاتذب اللوم بيه

- رد الثاني :

جنه ابخير والنمام_طبنه

جابنه الامراض وضاع _طبنه!

اذا فد يوم انه اوياك_ طبنه !

نذر بغداد اطشها واهليه!

- اجاب الاول:

علن دهري عليه اعلان ونذار

ومثل كحله ابهوب الريح ونذار

ترضا اتمرض ابفركاك ونذار

تعال وشوف طيب الناصريه