الف تحية لإنحناءة ظهرك وتقويسته الجميلة ،، والف تحية لشيبتك المباركة الناصعة الطاهرة أيها الشيخ الفاضل والكادح المناضل ،، أحييك بقصيدتي وعساني أن ارتقي بها مع علو قامتك

إنحنى ظهرك يعمي وجسر حيلك طاح

وأسنينك أثگال ،،، أشوكت چا ترتاح؟

زرعت أيامك أبگاعك أمروز أورود ،،،

و للنهران تعبك صار أحلى أوشاح

الشمس ماعت بظهرك والبرد مض بيك

گضه عمرك خساره وحاصلك مصطاح

ما مره شكيت الواحد إمن الناس ،،،،

من أصباك حدما شيب راسك لاح

تشرب ماي گصّتك لو عطَش وازاك ،،

و تستهضم تدنگ والنهر ضحضاح

و تستنکف إذا لأبن أمك أتمد أيد ،،،

متعوّد تعزب الگاصدك و الراح

يا هيبة ملوك ،، التاج ليگ أيلوگ ،،،

أخلاق وبساطه ،، وبالكرم فلّاح

العلا راسك يشرّف (الگَعد والصطّاي)

و اليحكم ظلم ،، والباگ واللفاح

و فداك التوّثوا للظهر وأیشخرون ،،،

و أنته أبفجر وجهك للرزق مفتاح

مهدي عبود السوداني  / البصرة