فاروق سلوم / السويد

شجابين الحزن والهم

سچاچين وعلى الطايح لَمَن تلتم

مرارة تگول دفگة دم

چلمة يكولهة العاشج، وهوة مسافر بدربه

وحيد وضايع ووادم الباهشة وتگصة ماترحم

اذا الواحد ببيت اهله

وورچ من ديرته ويعاتبه ومن حچية مايسلم

يروغ بعيد دربة لو مثل وعل الجبل غيمة ..

يچيّت وحدة كل حيله من اعلى مچان يفز

وعلة صخر الشواطي يطيح ..

لا چن دمة ماينلم

# من مجموعة دفاتر فراتي

صبراً ياوطن ..!!

اصبر  ياوطن... ضحكاتك  اتعود

خلَّه  اشما  يشبّ  النار  نمرود

خلَّه  اشما  ذبح  بالخوَّه  قابيل

عشگ عباس  بينه  يخضّر  ازنود

يظل  برد وسلام  الوطن محروس

مادام  البخت  وبراهيم  موجود

ماهَمنَه  اليصير  وصار  ويصير

تره  ايموت  العطش  ويقدِّح  اورود

وترد لعشوشهه  امأمْنَه الحمامات

وترِد  بِيض الليالي  وماتظل  سُود

الظلام  اشما  يطول وطوّل  الليل

إهي  اعيون  الشمس  ع الليل  صايود

ولو  جرح  العراق  الينزف  اطفوف

بس  زينب  بعد  ماتنسبي  اردود 

كاظم العطشان