توقيـت بغداد 
( ابوذيات ..) |
| ( ابوذيات ..) |
  
|
 ديرة |
| أضيف بواسـطة addustor |
| الكاتب |
| النـص :
معـالـــم وســط كلبــي ناحتلها مشــت وعضــاي كـلهه ناحتلها لـونـــه نــــوح گتـلــــه ناحتلها روحي وخل يعشي السمچ بيه =================== زهـر حطلي ابـوسط الزاد وسيم ونه ابدنبوس كمت انهطر وسيم يكلولي فخـامـه أصبحـت وسيم الـوسامـه منيـن وأنـه الظيـم بيه =================== اسنين الجنت اصلي راح اجرهن اسهامك وسط كلبي راح أجرهن وفلا للبيع اگولن .... راح اجرهن بــروحي وبانــــت الـخـله بـديــه =================== خــناجـر وســط گلــبي مرصتهن اسهامك مره ارحب مره اصدهن جــفاك بشــيب جــفني مرصتهن خـــايــف بالشـــماتــه تــشيع بيه =================== أخذهه المـاعرف ربه ودينه يلاهي شلهن اجدامه ودينه اشيـلـن گلـبي لا راده ودينه إلــه وتـاليه خـان وغدر بيه =================== وحگ هالـروح غير ايدك ملازم والك فـوگ المتـن رتبـت ملازم يمــن لخصــت لعــيونك ملازم الخلگ واهل الخلگ يقرون بيه =================== قـوانين الوفــه العينـك لسنها والحلــوك التــذم لبتــر لسنها مثل طير الطبن اهلس لسنها الصكر ما يقبل تلوحـه الاذيه =================== لجـرح كلبي شـتكفي صيدليه صدتت وهواي غيرك صد ليه لـو بس مـره اشوفك صاد ليه وجهـك چــا يـرد النفــس بيه =================== يمــن خطــيت بكلـيبي وشمكم جنت متخيل احضنكم وشمكم ولـو بس مـره اشـوفنه وشمكم من اشوفه وعلي يرد الروح ليه =================== عين الماتصد شخصك عمه الها اوروحي بالسحر سوة عمه الها وين الله او تصير امي عمه الها او زوجه اتصير بت الناس اليه =================== امس موش احنه بالسبعين صرنه شجاه الوكت شـو عالشيب صرنه بعـد تـونــه بـدينـــه أيــام صارلنه شـــجاك ومنـگلــب وجــهك عليه =================== تعــال وصيـر الـي كلـك يعيني على افراگك نخيت الله يعيني و اذا متصيـــر معنـــاهـه يعني قـهر هـجرك يغـالـي ايـفور بيه =================== جفيتوا وصـارت ظلوعي جرايد صحف عن ضيمنه نشرت جرايد الــردان وداعتــك صــارن جرايد كثــر مامــش دمــع هــجران بيه =================== جـرح گلبي سـامحته عفيته تفــوق بـالــهجــر اول عفيته الامس وياي وتهمني عافيته صبح وي الشماته الجان اليه =================== يمـن روحـي بعيــونـه جاذبلها طحت من طاح دمعه جاذبلها حجيت وياه سـوالـف جاذبلها حسـره وحـركت اعـنان الثريه =================== * حسين كرماش
|
| المشـاهدات 234 تاريخ الإضافـة 22/02/2025 رقم المحتوى 59619 |
