بعسر غيري النوايب فاتحتمن

وسهم هجرك بگلبي فات حتمن

كتلني وجاي ينشد فاتحة من؟

ولا چنك رحت جناز بيه ..!

****

سامح للاخو  لوچان ينحاك

وبيدك  لاتگص اطراف ينحاك

خيط الصوف لابد يوم ينحاك

ويصير ثياب للبيهم حميه

****

وحگ رب الخلگ ًوالمات وخلاف

الك اخ صدگ موش ابطمع وخلاف

ابد منسه اوي ليلى وعد وخلاف

لوظليت بس النفس بيه

****

شلعت افادي كون انشلع  فاداك

وعفتني يل چنت بالروح فاداك

بشرني الرحت  وياه فاداك ؟

لوگضه حاجته ورداك اليه ..!

****

اعيوني عليك مشبوحه يربان

اشوكت توصل سفينتكم يربان ؟

اخبرك حاير بجسمي يربان

عليل وشوفتك مرهم اليه

( شاعر مجهول)

عذرك

مثل كسر الجام   ..عذرك

مايجبر

ولا انته وگعت #بالبير

ولا انه #النبي واصبر

ولا انه العرفت #انساك

#وخيال بالي ماتخطر

احسك نابت #بريجي

#شنهي الموس هم يعبر

اطره من الندى #وحسيت

جن #تمثال مايشعر

بعد هاي السنين #شلون

ادري #بيا ذنب اغفر

وماتدري الكضيته #وياك

عبر جيلين وانه انطر

( شاعر مجهول)

( قصه ..(

آخر صرخه بجروحي

خجل وجه الزمن منها

وتبدت طاسة الگصه

واشوف الصوت

طير وتاه بين الموت دوره

ومشهد الرگصه

مشهد .. سفر للأرواح

وايامي الوكيحه

أتعمدت گصه

یروحي ومن شفت وكتي

شرگ بمرورة الصفنه

ورست بریاگنه الغصه

تحسفت من امس ساعه

مشت والعمر چف فاهي

عليها شلون ماوصه

بيها ارواحنه تلاگت

واخذ منها الربیع

لضحکتك قصه

جواد الدراجي/ البصرة